كتبهاHowaida ، في 7 أكتوبر 2012
الساعة: 01:25 ص
استقليت تاكسى لشراء احتياجات المنزل وكانت الطرق مزدحمة
بالسيارات وبدأ السائق يتزمر من اضاعة الوقت فى انتظار ان تنفرج ازمة
المرور …. فقلت له ان شاء الله ربنا هيصلح حال مصر , فرد عليَ قائلا ثمانين
مليون كل يوم يصبحوا الصبح يدعوا هذا الدعاء يا استاذة وربنا لايستجيب
لانه غير راضى عنا … تعرفى حضرتك شعب سوريا قام بثو رة ليه , فرديت بكل ثقة
من كثرة الظلم , قال لا حضرتك فيه سوريين كتير موجودين الان فى مصر,
واستطرد قائلا ركب معى واحد سورى وسألته هو انتم كان عندكم غلاء فى الاسعار
رد وقال لا فسألته يوجد بطالة عندكم رد السورى وقال لا فسألته هل عندكم
مشاكل فى التعليم اوالصحة او المرور او البنزين فرد السورى لا امال قمتم
بالثورة ليه… رد السورى بكل ثقة قال من اجل الكرامة والحرية …. فسأله
السائق كيف؟ , اجاب السورى انتم فى عهد مبارك كنتم بتشتموا وتنتقدوه ولا
احد يقدر يعملكم حاجة ام احنا كنا مراقبين بالكاميرات فى كل مكان فى المسجد
او السوبر ماركت او مكان شغلك واذا حد اتكلم وجاب سيرة بشار بلفظ وحش
يختفى من الوجود ولا يعرف احد عنه شئ فاجاب السائق بس كدة!!! رد السورى وهل
هذا لايكفى؟ رد السائق اما انتم (ولاد……..) طيب وبالطريقة دى حصلتم على الكرامة التى اشبعتكم وآوتكم فى امان ……..انتهى الحديث……………….
ليست هناك تعليقات:
إرسال تعليق